کراچی میں آج ہلکی بارش اور بوندا باندی کا امکان
محکمہ موسمیات کے مطابق کراچی میں آج 22 جولائی کی رات ہلکی بارش یا بوندا باندی کا امکان ہے۔
میٹ آفس کے مطابق کراچی میں بدھ 22 جولائی کو مطلع آبر آلود رہے گا۔ صبح کے اوقات میں شہر کا درجہ حرارت 29.5 سینٹی گریڈ ریکارڈ کیا گیا۔
ادارے کے مطابق آج شہر کا درجہ حرارت زیادہ سے زیادہ 33 سے 35 ڈگری سینٹی گریڈ رہنے کا امکان ہے
شہر کے جنوب مغربی علاقوں میں ہوائیں 14 کلو میٹر فی گھنٹہ کی رفتار سے چل رہی ہیں۔ صبح کے اوقات میں شہر کی ہوا میں نمی کا تناسب 75 فیصد ریکارڈ کیا گیا تھا۔
دوسری جانب پنجاب کے مختلف شہروں میں موسلادھار بارشوں نے تباہی مچادی۔ چھتیں گرنے کے مختلف حادثات میں 10 سے زائد افراد جاں بحق ہوگئے۔
پنجاب سمیت ملک کے دیگر حصوں میں موسلا دھار بارشوں کا سلسلہ جاری ہے، جس سے حبس اور گرمی کی شدت میں کمی واقع ہوئی ہے
0 Comments